പറവൂർ; പറവൂർ നഗരസഭയിലെ യുഡിഎഫ് ദുർഭരണത്തിനും അഴിമതിക്കും കുറ്റകരമായ കെടുകാര്യസ്ഥതയ്ക്കുമെതിരെ എൽഡിഎഫ് മുനിസിപ്പൽ കമ്മിറ്റിയുടെ നേതൃത്വത്തിൽ ജനമുന്നേറ്റജാഥയ്ക്ക് തുടക്കമായി. നഗരസഭ പ്രതിപക്ഷനേതാവ് ടി വി നിധിൻ ക്യാപ്റ്റനും സിപിഐ ജില്ലാ എക്സിക്യൂട്ടീവ് അംഗം എസ് ശ്രീകുമാരി വൈസ് ക്യാപ്റ്റനുമായ ജാഥ മാർക്കറ്റിനുസമീപം ജില്ലാ പഞ്ചായത്തംഗം യേശുദാസ് പറപ്പിള്ളി ഉദ്ഘാടനം ചെയ്തു. എം യു അജി അധ്യക്ഷനായി. സിപിഐ മണ്ഡലം സെക്രട്ടറി എ എം ഇസ്മായിൽ സംസാരിച്ചു. വിവിധ കേന്ദ്രങ്ങളിൽ എൻ എസ് അനിൽകുമാർ, വി എസ് ഷഡാനന്ദൻ, കെ ജെ ഷൈൻ, വർഗീസ് മാണിയാറ, നിമിഷ രാജു, എം ആർ റീന, സി പി ജയൻ, പി പി അജയകുമാർ, കെ ബി ചന്ദ്രബോസ്, സി എ രാജീവ്, ജ്യോതി ദിനേശൻ, കെ ബി ജയപ്രകാശ് എന്നിവർ സംസാരിച്ചു. തൈവെപ്പിൽ സമാപനസമ്മേളനം നഗരസഭ സ്ഥിരംസമിതി അധ്യക്ഷ കെ ജെ ഷൈൻ ഉദ്ഘാടനം ചെയ്തു. ജയ ദേവാനന്ദൻ അധ്യക്ഷനായി. വ്യാഴം രാവിലെ 9.30ന് കാളത്തോട്ടിന് സമീപത്തുനിന്ന് തുടങ്ങുന്ന ജാഥ വൈകിട്ട് 5.30ന് പഴയ കെഎസ്ആർടിസി സ്റ്റാൻഡിൽ സമാപിക്കും. സമാപന സമ്മേളനം സിപിഐ ജില്ലാ എക്സിക്യൂട്ടീവ് അംഗം എൽദോ എബ്രഹാം ഉദ്ഘാടനം ചെയ്യും.