ചിറ്റാറ്റുകര: സംവരണ സ്ഥാനാർഥി നിർണയം മുന്നണികളെ വലിയ പ്രതിസന്ധിയിലാക്കിയിരിക്കുകയാണ്. സീറ്റുറപ്പിച്ചിരുന്ന പലരും സംവരണം വന്നതോടെ പിന്നോട്ട് മാറേണ്ട സ്ഥിതിയിലാണ്. പുതിയ ആളുകൾക്ക് വഴിയൊരുക്കാൻ വിസമ്മതിക്കുന്നവർ കാരണമുള്ള കടുത്ത എതിർപ്പും അന്തിമ പട്ടിക വൈകുന്നതിനുള്ള ഒരു പ്രധാന പ്രശ്നമാണ്. ഇത് നീണ്ട ചർച്ചകൾക്കും പരസ്യമായ ചേരിതിരിവിനും കാരണമാകുന്നുണ്ട്. ആഭ്യന്തര പ്രശ്നങ്ങൾ കൈകാര്യം ചെയ്യുന്നതിലെ ഈ പരാജയം എതിരാളികളായ മുന്നണികൾക്ക് തന്ത്രപരമായ മുൻതൂക്കം നൽകിയിട്ടുണ്ടെന്നും അവർ പ്രാദേശിക പാർട്ടി വിയോജിപ്പുകളെ വേഗത്തിൽ മുതലെടുക്കുകയാണെന്നും രാഷ്ട്രീയ നിരീക്ഷകർ വിലയിരുത്തുന്നു.
നിരവധി നൂതനമായ പ്രൊജെക്ടുകൾ നടപ്പിൽ വരുത്തി വിജയകരമായി കാലയളവ് പൂർത്തിയാക്കാൻ ഒരുങ്ങുന്ന നിലവിലെ ഭരണസമിതിയുടെ തുടർച്ച തന്നെയായിരിക്കും സംതൃപ്തിയോടെ ജനങ്ങൾ വീണ്ടും സമ്മാനിക്കുകയെന്ന് പഞ്ചായത്ത് പ്രസിഡന്റ് പറഞ്ഞു. എന്നാൽ അത്യാവശ്യ പദ്ധതികൾ പൂർത്തിയാക്കാതെ അനാവശ്യ പദ്ധതി നിർവഹണം നടത്തിയതിലൂടെ ഫണ്ടുകൾ നഷ്ട്ടമായെന്നാണ് പ്രതിപക്ഷത്തിന്റെ വാദം.